१० फागुन २०७९, काठमाडौँ: सिटिजन लाइफ इन्स्योरेन्स कम्पनीले सम्पत्ति शुद्धीकरण तथा आतंकवादी क्रियाकलापमा वित्तीय लगानी निवारणसम्बन्धी तालिम सञ्चालन गरेको छ। गत फागुन १ गतेदेखि ९ गतेसम्म कम्पनीको प्रधान कार्यलय थापाथलीमा कम्पनीमा कार्यरत सम्पूर्ण कर्मचारीहरूका लागि सो तालिम आयोजना गरिएको थियो।

---

यस्तै, काठमाडौं उपत्यका बहिरका स्थानहरू बर्दिबास, मिर्चैया, गाईघाट, विराटनगर, धरान, इनरुवा, विराटचोक, बिर्तामोडलगायतका विभिन्न स्थानमा कम्पनीसँग आवद्ध अभिकर्ता एवम् सम्पूर्ण कर्मचारीहरूको सहभागितामा सो तालिम कार्यक्रम सञ्चालन गरिएकोे बताइएको छ।

---

कम्पनीका सम्पूर्ण कर्मचारीहरूलाई दिइएको तालिम कम्पनीका कानुन, अनुपालन तथा जोखिम व्यवस्थापन अधिकृत बिदुर बहादुर भुजेलले प्रस्तुत गरेका थिए। उक्त तालिममा गैर कानुनी कमाइ र आतंककारी कार्यबाट संकलित कालो धनलाई बीमाको माध्यमबाट सेतो धन बनाउने कार्यलाई कसरी नियन्त्रण गर्ने, यसका प्रकृयाहरू र रिपोर्टिङ कसरी गर्ने लगायतका विषयमा विस्तृत जानकारी दिइएको थियो।