३० पुस २०७९, काठमाडौँ: नेकपा एमालेकी प्रदेश सभा सदस्य सिर्जना दनुवार प्रदेश–१ को उपसभामुखमा निर्वाचित भएकी छन्। शनिबार सम्पन्न निर्वाचनमा दनुवारले ५७ मत हासिल गरेकी थिइन्। नेपाली कांग्रेसकी लिलाकुमारी राईले ३३ मत पाइन्।उपसभामुखमा निर्वाचित भएकी दनुवार उदयपुरबाट समानुपातिकमा प्रदेश सभामा चयन भएकी हुन्। राई पनि उदयपुरबाटै समानुपातिकमा चयन भएकी हुन्।

९३ जना प्रदेश सभासदस्य मध्ये निर्वाचनमा ९० जना प्रदेश सभा सदस्यले सहभागिता जनाएका थिए। निर्वाचनमा सत्तारुढ गठबन्धनबाट दुई जना प्रदेश सभा सदस्यको अनुपस्थिति रहेको थियो। यसअघि, सभामुख बाबुराम गौतम नेकपा माओवादी केन्द्रबाट निर्विरोध चयन भएका हुन्।