अर्थमन्त्रीद्वारा अर्थ र राजस्व सचिव परिवर्तन

प्रकाशित मिति

२०७९ पुष २१ गते, बिहीबार ०२:२७

arthas

२१ पुस २०७९, काठमाडौँ: अर्थमन्त्री विष्णु प्रसाद पौडेलले अर्थ सचिव र राजस्व सचिव परिवर्तन गरेका छन् । पौडेलले अर्थ सचिवमा तोयम रायलाई ल्याएका छन् भने राजस्व सचिवमा रामप्रसाद घिमिरेलाई भित्र्याएका छन् । अर्थमा ल्याइएका राय बाणिज्य सचिवमा कार्यरत थिए भने घिमिरे अख्तियार दुरुपयोग अनुसन्धान आयोगमा थिए ।


निवर्तमान अर्थमन्त्री जनार्दन शर्माले अर्थ सचिवमा कृष्णहरी पुष्कर र राजस्व सचिवमा रामेश्वर दंगाललाई ल्याएका थिए । बिहीबारको मन्त्रिपरिषदको बैठकले सचिव परिवर्तन गरेको हो । मन्त्री फेरिए सँगै प्राय सचिव पनि फेरिने गरेको पाइन्छ । काम गर्न सजिलो बनाउन उनीहरुले आफु निकट कर्मचारीलाई सचिवमा ल्याउने गरेका हुन् ।


अहिलेको आकर्षक मन्त्रालयको रुपमा रहेको अर्थ मन्त्रालयका सचिवहरु शक्तिशाली मानिन्छन् । बजेट निर्माण गर्नेदेखि लिएर राजस्वका दरहरुमा हेरफेर गर्न उनीहरुकै महत्वपुर्ण भुमिका रहेको हुन्छ । सामान्यतया मन्त्री भन्दा सचिवहरु विज्ञ मानिन्छन् । उनिहरुलाई कानुनी छिद्रदेखि लिएर अनेकौ उपाय थाहा हुने भएकाले पनि अर्थमन्त्रीले विश्वासिला सचिव ल्याउने गरेका हुन् ।

प्रतिकृया