१८ पुस २०७९, काठमाडौँ: उपप्रधान एवम् गृहमन्त्री रवि लामिछानेले अत्याधिक रुपमा बढिरहेको चिसोलाई मध्यानजर गर्दे ७७ वटा जिल्लाकै सुरक्षा निकायका प्रमुख र प्रमुख जिल्ला अधिकारी (सीडीओ) हरुलाई शीतलहर जस्ता प्राकृतिक प्रकोपबाट जनतालाई जोगाउने योजना बनाएर काम गर्न पनि निर्देशन दिएका छन् ।

साथै उनले गुनासो नआउने ढंगले सेवा प्रवाह गर्न प्रमुख जिल्ला अधिकारी (सीडीओ)हरुलाई निर्देशन दिएका छन् । मन्त्री लामिछानेले आज ७७ वटै जिल्लाका प्रमुख जिल्ला अधिकारीहरुलाई भर्चुअल माध्यमबाट सम्बोधन गरेका थिए ।

सोही क्रममा मन्त्री लामिछानेले गुनासोरहित सेवा प्रवाहमा ध्यान दिन निर्देशन दिएको काठमाडौंका प्रमुख जिल्ला अधिकारी घनश्याम उपाध्यायले जानकारी दिए ।