१८ पुस २०७९, बुटवल : नेपाली कांग्रेसले लुम्बिनी प्रदेश संसदीय दलको नेतामा डिल्लीबहादुर चौधरी चयन भएका छन् । आइतबार बिहान चौधरीलाई सर्वसम्मत रुपमा दलको नेता चयन गरिएको कांग्रेस लुम्बिनी प्रदेश कार्यसमितिका सभापति अमरसिंह पुनले जानकारी दिए ।

उनले उपनेता पनि सहमति नै चयन गर्ने तयारी भएको जानकारी दिए । कांग्रेस संसदीय दलको नेताका लागि चार सांसद आकांक्षी देखिएका थिए ।

चौधरी, राजु खनाल,अब्दुल रज्जाक र वीरबहादुर राना संसदीय दलको नेता बन्न आकांक्षी भए पनि डिल्लीबहादुर सर्वसम्मत चयन भएका हुन्। चौधरी हाल लुम्बिनी प्रदेशको सहरी विकास मन्त्री समेत छन् ।