शुभम पावरले पाैष ६ गतेदेखि आईपीओ निष्कासन गर्ने

प्रकाशित मिति

२०७९ मंसिर २७ गते, मंगलवार ०२:३२

Capture 7

२७ मंसिर २०७९, काठमाडौँ : शुभम पावर कम्पनी लिमिटेडले पाैष ६ गते, बुधबारदेखि वैदेशिक रोजगारीमा गएका नेपालीहरूलाई आईपीओ निष्कासन तथा बिक्री खुल्ला गर्ने भएको छ । कम्पनीले प्रतिकित्ता एक सय अंकित दरमा ५८ हजार ५८ कित्ता सेयर वैदेशिक रोजगारीमा गएका नेपालीका लागि निष्कासन गर्न लागेको हो । कम्पनीले सर्वसाधारणलाई जारी हुने ५ लाख ८० हजार ५८० कित्ता सेयरको १० प्रतिशत सेयर वैदेशिक रोजगारीमा गएका नेपालीहरूका लागि बिक्री गर्न लागेकाे हाे ।


वैदेशिक रोजगारीमा गएका नेपालीले न्यूनतम १० कित्तादेखि अधिकतम ५ हजार कित्तासम्म आवेदन दिन सक्नेछन् । उक्त आईपीओमा वैदेशिक रोजगारीमा गएका नेपालीहरूले पाैष २० गतेसम्म मात्रै आवेदन दिन पाउनेछन् । कम्पनीकाे आईपीओ निष्कासन तथा बिक्री प्रबन्धककाे काम मुक्तिनाथ क्यापिटल लिमिटेडले गर्नेछ ।


आईपीओमा नेपाल धितोपत्र बोर्डबाट स्वीकृति प्राप्त गरेका सम्पूर्ण सी–आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ । त्यस्तै, मेराे सेयरबाट पनि आवेदन दिन सक्नेछन् ।

प्रतिकृया