६ कार्तिक २०७९, काठमाडौँ: नेपाली कांग्रेसकी नेतृ मैयादेवी श्रेष्ठको निधन भएको छ । नेपाली कांग्रेसकी नेतृ, पूर्वसांसद तथा समाजसेवी श्रेष्ठको गएराति उपचारको क्रममा चितवनमा निधन भएको हो ।

उनको निधनमा प्रधानमन्त्री तथा कांग्रेस सभापति शेरबहादुर देउवाले दुःख व्यक्त गरेका छन् । देउवाले श्रेष्ठको निधनले पार्टीमा अपुरणीय क्षति पुगेको बताएका छन् । श्रेष्ठ मैयादेवी कन्या कलेजको संस्थापक पनि थिइन् ।

उनी २०४८ सालमा गोरखाबाट सांसद भएकी थिइन् भने राष्ट्रिय सभा सदस्य पनि भएकी थिइन् । उनले यसअघि नै आफ्नो नामको सबै सम्पत्ति दान गर्ने घोषणा गरेकी थिइन् ।