२८ भाद्र २०७९, काठमाडौंः प्रधानमन्त्री शेरबहादुर देउवासँग नेपालको औपचारिक भ्रमणमा रहेका जनवादी गणतन्त्र चीनको राष्ट्रिय जनकङ्ग्रेस, स्थायी समितिका अध्यक्ष ली चान्शुले शिष्टाचार भेट गरेका छन्। उनीहरु दुईबीच प्रधानमन्त्री तथा मन्त्रिपरिषद् कार्यालयमा शिष्टाचार भेट भएको प्रधानमन्त्री कार्यालयले जानकारी दिएको छ।

नेपालको चारदिने भ्रमणमा आएका चिनियाँ जनकंग्रेसका प्रमुख ली चान्शुले राष्ट्रियसभाका अध्यक्ष गणेशप्रसाद तिमिल्सिना, परराष्ट्रमन्त्री नारायण खड्का, एमाले अध्यक्ष केपी शर्मा ओली, माओवादी अध्यक्ष पुष्पकमल दाहाल प्रचण्डसँग पनि भेटवार्ता गरिसकेका छन्।