८ बैशाख २०७९, काठमाडौं : बिहीबार नेपाली बजारमा सुनको मूल्य तोलामा ३ सय रुपैयाँले बढेको छ । अघिल्लो दिन प्रतितोला एक लाख ६ सय रुपैयाँमा कारोबार भएको छापावाला सुनको मूल्य आज ३०० रुपैयाँले बढ्दै १ लाख ९ सय रुपैयाँ कामय भएको हो ।

यस्तै, तेजाबी सुनको मूल्य समेत आज तोलामा ३ सय रुपैयाँले नै बढ्दै एक लाख ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यता चाँदीको मूल्य भने आज घटेको छ । अघिल्लो दिन प्रतितोला एक हजार ३ सय ८५ रुपैयाँमा कारोबार भएको चाँदी आज पाँच रुपैयाँले घट्दै एक हजार ३ सय ८० रुपैयाँ कायम भएको हो ।