३० फागुन २०७८, काठमाडौं :  सुनसरीमा मानव तस्करीको अरोपमा प्रहरीले एक भारतीय नागरिकलाई पक्राउ गरेको छ । पक्राउ पर्नेमा भारत, विहार राज्यस्थित सुपौलका ३२ वर्षीय मोहम्मद फिरोज रहेका छन् । प्रहरी नायब उपरीक्षक नरेन्द्रकुमार कार्कीका भने काठमाडौंको शङ्खरापुर नगरपालिकाकी २० वर्षीया युवतीलाई ललाइफकाई भारत लैजाने क्रममा फिरोजलाई कोसी गाउँपालिका– ८ स्थित नेपाल र भारत सीमाबाट पक्राउ गरिएको हो ।

अनुसन्धानका क्रममा फिरोजले पीडितलाई विवाहको प्रलोभनमा पारेर भारत लैजान लागेको खुलेको छ । घटनाबारे प्रहरीले थप अनुसन्धान गरिरहेको छ ।