२५ फाल्गुन २०७८, काठमाडौं : राजधानीमा जारी शहीद स्मारक ‘बी’ डिभिजन लिग फुटबल प्रतियोगिता अन्तर्गत आज (बुधबार) भएको खेलमा खुमलटार युथ क्लबले विजयी प्राप्ती गरेको छ ।

सातदोबाटोस्थित एन्फा (अखिल नेपाल फुटबल सङ्घ) कम्पलेक्समा भएको खेलमा खुमलटारले बाँसबारी क्बललाई १–० गोल अन्तरले पराजित गरेको हो । खुमलटारको जितमा सविन केसी नायक बन्न सफल भएका छन् । उनले भने खेलको २९ औँ मिनेटमा गरेको एक गोल नै खुमलटारको लागि निर्णायक गोल सावित भएको हो ।

जितसँगै खुमलटारले तीन खेलबाट ६ अङ्क जोड्दै अङ्क तालिकाको तेस्रो स्थानमा उक्लिएको छ । बासबारीको भने तीन खेलमा दोस्रो पराजय भएको हो । बासबारीले तीन खेलमा १ अङक जोडेको छ ।