७ फागुन २०७८, काठमाडौँ : शरद भेषावकर ओमानमा जारी टी-२० ग्लोबल क्वालिफायरबाट बाहिरिएका छन् । शरद शुक्रबार भएको ओमान विरुद्धको पहिलो खेलमा पनि १४ जनाको टिम लिस्टमा थिएनन् । नेपाल क्रिकेट संघ क्यानले एंकल इन्जुरीका कारण शरद टीमबाट बाहिरिएको र उनको स्थानमा अलराउण्डर कुशल मल्ललाई राखिएको जनाएको छ ।

क्वालिफायरको दोस्रो खेलमा नेपालले आज फिलिपिन्ससँग खेलिरहेको छ । फिलिपिन्सले टस जितेर फिल्डिङ रोजेपछि नेपालले पहिले ब्याटिङ गरिरहेको छ ।

नेपाली टिममा आज दुई परिवर्तन गरिएको छ । कमल सिंह ऐरी र विवेक यादवको स्थानमा कुशल मल्ल र गुलशन झा पहिलो रोजाइमा खेल्दै छन् ।