५ फागुन २०७८, काठमाडौँ : अनुत्पादक क्षेत्रमा जाने प्रवाह हुने कर्जामा थप कडाइ गरिने भएको छ । नेपाल राष्ट्र बैंकले चालु आर्थिक वर्षको मौद्रिक नीतिको समीक्षा मार्फत यस्तो घोषणा गरेको हो । जग्गा प्लटिङ, हायर पर्चेज कर्जा, आयातका लागि जाने कर्जा। शेयर धितोमा जाने जस्ता कर्जा नीतिमा पुनरावलोकन हुने राष्ट्र बैंकका प्रवक्ता डा. गुणाकर भट्टले जानकारी दिए । केकति हुने भन्ने विषयमा भने समीक्षामा भने उल्लेख गरिएको छैन ।

आगामी सर्कुलरबाट कति कडाइ गर्ने भन्ने विषयमा स्पष्ट खुलाइने प्रवक्ता भट्टले बताए । बैंक तथा वित्तीय संस्थाले प्रवाह गरेको ट्रष्ट रिसिट लगायतका आयात कर्जा, व्यक्तिगत अधिविकर्ष कर्जा, जग्गा प्लटिङसम्बन्धी रियल इस्टेट कर्जा, व्यक्तिगत हायर पर्चेज कर्जा तथा मार्जिन प्रकृतिको कर्जाकोजोखिम भारमा पुनरावलोकन गरिने समीक्षामा उल्लेख छ ।

यस अघि राष्ट्र बैंकले आयातमा जाने कर्जामा कडाइ गरेको थियो भने शेयर धितोमा जाने कर्जामा पनि सीमा तोकेर कडाइ गरेको थियो ।