नेइमार मैदान फर्किने तयारीमा, च्याम्पियन्स लिगमा पिएसजीले रियल मड्रिडको सामना गर्दै

प्रकाशित मिति

२०७८ फाल्गुन ३ गते, मंगलवार ०९:३२

३ फागुन २०७८ एजेन्सी : नेइमारले गएको नोभेम्बर यता पहिलोपटक पेरिस सेन्ट जर्मेन (पिएसजी) बाट खेल्ने सम्भावना छ । मंगलबार पिएसजीले च्याम्पियन्स लिगको अन्तिम १६ को प्रतिस्पर्धामा रियल मड्रिडको सामना गर्दैछ । गोलीगाँठोको चोटका कारण मैदान बाहिर रहेका नेइमार प्रतिस्पर्धामा फर्किएका छन् ।

उनले मंगलबार रातिको खेलमा प्रतिस्पर्धा गर्ने सम्भावना छ । गएको सिजन पिएसजी सेमिफाइनलमा म्यानचेस्टर सिटीसँग पराजित भएको थियो । युरोपियन उपाधिको खोजीमा रहेको पिएसजीका प्रशिक्षक माउरिसिओ पोकेतिनोमाथि दबाब छ ।