२८ माघ २०७८, काठमाडौं : पछिल्लो २४ घण्टामा १ हजार १ सय २८ जनामा कोरोना भाइरस संक्रमण पुष्टि भएको छ ।स्वास्थ्य तथा जनसंख्या मन्त्रालयका अनुसार १७ हजार ४ सय ४७ पीसीआर परीक्षणमा जम्मा ६ सय ६६ जनामा संक्रमण पुष्टि भएको छ । त्यस्तै ३ हजार ५४२ एन्टिजेन परीक्षणमा ४ सय ६२ जना गरी कुल १ हजार १ सय २८ जनामा संक्रमण पुष्टि भएको हो ।

त्यस्तै, कोरोना संक्रमणका कारण पछिल्लो २४ घण्टामा १४ जनाको मृत्यु भएको छ भने २ हजार २ सय १५ जना कोरोना संक्रमणमुक्त भएका छन् । हाल देशभर कोरोना भाइरसको सक्रिय संक्रमितको संख्या २७ हजार ४ सय ४१ जना रहेको छ ।