२४ माघ २०७८, काठमाडौं : पर्साको जिराभवानीपुर गाउँपालिका–४ मा ट्याक्टरमा मोटरसाइकल ठोक्किँदा एक बालिकाको मृत्यु भएको छ । मृत्यु हुनेमा मोटर साइकलमा सवार बालिका रहेकी छन् । दुर्घटनामा एक जना घाइते भएका छन् ।

प्रहरीका अन्सार दुर्घटनामा घाइते भएका जिराभवानी गाउँपालिका ४ की ३० बर्सिया विद्या देवी र उनकी ४ बर्सिया छोरी अन्यालाई उपचारको लागि अस्पताल लैजाँदै गर्दा बालिकाको बाटोमै मृत्यु भएको हो ।

ना ४ त ८१४६ नम्बरको ट्याक्टरमा बा ५५ प ६५२८ नम्बरको मोटरसाइकल हिजो आइतबार साँझ ६ बजे ठोक्किएको थियो ।

विद्या देवीको नारायणी अस्पताल वीरगन्जमा उपचार भइरहेको प्रहरीले जानकारी दिएको छ ।