व्यापारीसँग ‘बार्गेनिङ’ गरेर पैसा असुलेको आरोपमा पत्रकार पक्राउ

प्रकाशित मिति

२०७८ मंसिर २८ गते, मंगलवार ११:०५

२८ मंसिर २०७८, काठमाडौं : अपराधिक लाभ लिएको आरोपमा प्रहरीले पत्रकार एन्जिना कार्कीलाई पक्राउ गरेको छ । व्यापारिक समूहसँग ‘बार्गेनिङ’ गरेर पैसा असुलेको भेटिएपछि उनलाई पक्राउ गरिएको महानगरीय प्रहरी वृत्त जनसेवाका डिएसपी डिल बहादुर मल्लले बताए ।

नभएको हैसियत देखाएर व्यापारिक घराना शिखर ग्रुपका एकजना सेयरधनीसँग कार्कीले १५ लाख असुलेको प्रहरीको प्रारम्भिक अनुसन्धानबाट थाहा भएको छ । पत्रकार कार्कीविरुद्ध प्रहरीले ठगी र आपराधिक लाभ विरुद्धको कसुरमा म्याद लिएर अनुसन्धान गरिरहेको छ ।