२८ मंसिर , काठमाडौं : कांग्रेस महाधिवेशनमा सभापतिमा निर्वाचित हुनका लागि शेरबहादुर देउवाले अझै ४४० मत प्राप्त गर्नुपर्ने देखिएको छ ।

खुल खसेको ४६७९ मतको ५० प्रतिशत कटाउन २३४०मत देउवालाई आवश्यक पर्छ । देउवाले ३९७७ मत गणना सकिँदासम्म १९०० मत प्राप्त गरेका छन् ।

अर्का प्रत्यासी शेखर कोइरालाले भने १४६७ मत प्राप्त गरेका छन् । सोमबार मतदान भएकोमा रातिदेखि राष्ट्रिय सभा गृहमा सभापति पदको मतगणना भइरहेको हो । २३ सय ४० मत पाउने उम्मेदवार सभापतिमा निर्वाचित हुनेछन् । तर ५० प्रतिशत मत कटाउन नसकेपछि पहिलो र दोस्रोबीच दोस्रो चरणमा चुनाव हुनेछ ।