काठमाडौं मंसिर २७, २०७८ : नयाँ नेतृत्व चयनका लागि नेपाली काँग्रेसको १४औँ महाधिवेशनमा सोमबार मतदान हुँदैछ । मतदान स्थलमा प्रतिनिधिहरू लाइन लाग्न सुरु गरिसकेका छन् । भृकुटीमण्डप क्षेत्रमा चहलपहल बढेको छ । मतदान स्थलमा सुरक्षाकर्मीको बाक्लो उपस्थिति रहेको छ ।

बिहान ८ बजेदेखि मतदान सुरु गर्ने तयारी केन्द्रीय निर्वाचन समितिले जनाएपनि मतदानमा केही ढिलाइ भएको छ ।

कुल १३४ पदका लागि मनोनयन दर्ता भएकोमा प्रदेश २ खुला केन्द्रीय सदस्य पदमा आनन्दप्रसाद ढुङ्गाना र रमेश रिजाल निर्विरोध निर्वाचित भइसकेका छन् । अब १३२ पदका लागि मतदान हुनेछ ।