१२ भाद्र, २०७८ काठमाडौँ : नेपालमा पछिल्लो २४ घण्टामा थप १ हजार ८५७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ४०९ पीसीआर परीक्षण गर्दा १ हजार ५१६ जनामा र ३ हजार ७६७ एन्टिजेन परीक्षण गर्दा ३४१ जनामा कोरोना संक्रमण पुष्टि भएको हो ।

यस्तै पछिल्लो २४ घण्टामा देशभर २७ जना कोरोना संक्रमितको मृत्यु भएको छ। यससँगै हालसम्म कोरोनाबाट ज्यान गुमाउनेको संख्या १० हजार ६ सय ९० पुगेको छ । शनिबार २ हजार २२२ जना कोरोना संक्रमणमुक्त भएका छन्। हाल ३६ हजार ८६६ जना सक्रिय संक्रमित भएको स्वास्थ्य मन्त्रालयले जनाएको छ ।