नेप्सेमा ८.२४ अंकको करेक्सन, कारोबार रकम भने उस्तै

प्रकाशित मिति

२०७८ श्रावण ११ गते, सोमबार ०३:५५

Nepse 1

११ साउन, २०७८ काठमाडौँ : सोमबार सेयर बजार परिसूचक नेप्सेमा ८.२४ अंकको करेक्सन आएको छ । केही दिनयता क्रमिक रुपमा उकालो यात्रामा रहेको नेप्सेमा सोमबार ८.२४ अंकले घटेर ३ हजार ५०.४२ विन्दुमा झरेको हो । नेपाल स्टक एक्सचेन्जका अनुसार आज ‘क’ वर्गका सेन्सेटिभ इन्डेक्स समेत २.९३ अंकले घटेर ५७१.१० विन्दुमा झर्न पुगेको छ ।


गत आइतबार एकैदिन नेप्से परिसूचक अधिकतम ५४.३१ अंकले बढेर ३ हजार ५८.६३ विन्दुमा पुगेको थियो । नेप्सेका अनुसार यसदिन बैंकिङ्ग, विकास बैंक, म्युचुअल फण्ड तथा इन्भेष्टमेन्ट समूह बाहेकका सबैजसो समूहहरु पोजेटिभ हुँदा पनि बजार ८ अंक माथिले गिरावट आएको हो । यद्यपि गत आइतबारको तुलनामा कारोबार रकममा भने खासै गिरावट आएको छैन ।


नेप्सेका अनुसार यसदिन कुल २२३ कम्पनीका ३ करोड ७० लाख कित्ता माथिको सेयर १ लाख ३७ हजार बढी पटक किनबेच हुँदा कुल १४ अर्ब १३ करोड ९७ लाख रुपैयाँको कारोबार भएको छ । जबकि गत आइतबार एकैदिन ५४ अंक माथिले नेप्से बढ्दा कुल १४ अर्ब २३ करोड २४ लाखको कारोबार भएको थियो ।

प्रतिकृया