काठमाडौं :  जर्ज फ्लोइडको हत्या अभियोगमा दोषी ठहर भएका पूर्व प्रहरी अधिकारी डेरेक चोभनलाई २२ वर्ष ६ महिनाको जेल सजाय भएको छ ।न्यायाधीशले शुक्रबार चोभनको सजाय सुनाएका हुन् । पदमा रहँदा तोडेको विश्वास र अधिकार तथा फ्लोइडप्रति प्रदर्शित निर्ममताका आधार चोभनलाई सजाय तोकिएको बताएका छन् ।

गएको वर्ष अमेरिकाको मिनेशोटा राज्यको मिनियापोलसमा प्रहरीले पक्राउ गर्ने क्रममा गरेको ज्यादतीका कारण अश्वेत अमेरिकी ४६ वर्षे फ्लोइडको निधन भएको थियो । पक्राउको क्रममा ४५ वर्षे श्वेत प्रहरी अधिकारी ९तत्कालीन० चोभनले फ्लोइटको घाँटीमा ९ मिनेट भन्दा बढि थिचेको र फ्लोइटले ‘आइ कान्ट ब्रिथ’ भनेको भिडियो सार्वजनिक भएको थियो ।

त्यसपछि अमेरिकासहित विश्वभर रंगभेद र प्रहरी ज्यादती विरुद्ध प्रदर्शन भएको थियो । १४ दिनको सुनुवाईमा ४५ जना साक्षीको बयान एवम् पक्ष विपक्षका वकिलको बहस सुनेपछि जुरीले दुई महिना पहिले आफ्नो निर्णय तयार पारेको थियो । जुरीले पूर्व प्रहरी अधिकारी चोभनलाई सेकेण्ड डिग्री मडर र थर्ड डिग्री मडर एवम् मानवहत्या अभियोगमा दोषी ठहर गरेको थियो ।

दोषी ठहर भएका चोभनको सजाय न्यायाधीशले शुक्रबार सुनाएका हुन् । चोभनलाई हिंसात्मक अपराधिका रुपमा दर्ता गर्न र जीवनकाल भर बन्दुक ९फायरआर्म्स० लिन नपाउने फैसला पनि अदालतले गरेको छ ।

फ्लोइडको परिवार र समर्थकले सजायको स्वागत गरेका छन् । राष्ट्रपति जो बाइडेनले सजाय ‘पर्याप्त’ देखिएको तर आफूलाई सम्पूर्ण विवरण जानकारी नरहेको स्वीकार गरेका छन् ।