बाँके: १९ वर्षीया किशोरीलाई जबरजस्ती करणी गरेको अभियोगमा नेपालगंज उपमहानगर पालिका-२० राँझा बस्ने हुम्ला सर्केगाड गाउँपालिका-१ घर भएका २४ वर्षीय मिम बहादुर बुढालाई  प्रहरीले पक्राउ गरेको छ ।

घरबाट भ्रमणमा जाने वाहनामा गत मंसिर ५ गते वैजनाथ गाउँपालिका-१ स्थित गाभर भ्यालीको होम स्टेभित्र लगि ती किशोरीलाई जुसमा लागूऔषध नाईट्राजेपाम मिसाई खुवाएर वेहोस बनाई जबरजस्ती करणी गरि फरार रहेका मिम बहादुरलाई प्रहरीले काठमाडौं हाडीगाउँबाट फेला पारी पक्राउ गरेको हो ।

साथै उनको साथबाट नियन्त्रित लागूऔषध नाईट्राजेपाम १४ ट्याब्लेट र इबुप्रोफेन १ ट्याब्लेट समेत प्रहरीले बरामद गरेको छ । यस सम्बन्धमा थप अनुसन्धान भइरहेको जिल्ला प्रहरी कार्यालय बाँकेले जनाएको छ ।