काठमाडौ: नेपाली कांग्रेसको पदाधिकारी तथा पूर्व पदाधिकारी बैठक सोमबार बस्दैछ । सभापति शेरबहादुर देउवाले बोलाएको बैठक अहिले २ बजेपछि पार्टी कार्यालय सानेपामा बस्ने तयारी छ ।

विकसित राजनीतिक घटनाक्रम र नयाँ सरकार गठन गर्ने विषयमा छलफल गर्न देउवाले बैठक बोलाएका हुन् ।

अरु पार्टी र कांग्रेसभित्रैबाट एमाले अध्यक्ष केपीको विकल्पमा नयाँ सरकार गठनको नेतृत्व लिन देउवामाथि दबाब परिरहेका बेला बस्न लागेको हो ।

माओवादी केन्द्रले पटक–पटक सरकारको नेतृत्व लिन देउवालाई भने पनि उनले परिस्थिति अझै परिपक्क भइनसकेको बताउँदै आएका छन् ।

त्यस्तै कांग्रेसभित्रको वरिष्ठ नेता रामचन्द्र पौडेल पक्षधर पनि कांग्रेसले नयाँ सरकारको नेतृत्व लिनुपर्ने बताइरहेको छ।