काठमाडौं:  प्रमुख प्रतिपक्षी दल नेपाली कांग्रेसका सभापति शेरबहादुर देउवाले पदाधिकारी र पूर्व पदाधिकारीको बैठक बोलाएका छन् ।

पछिल्लो राजनीतिक घट्नाक्रम र पार्टीको महाधिवेशनमा केन्द्रित रहेर छलफल गर्न लागिएको नेताहरुले जनाएका छन्  । बैठक आज दिउँसो २ बजे पार्टी मुख्यालय सानेपामा बस्ने जनाईएको छ  ।

हिजो मात्रै वरिष्ठ नेता रामचन्द्र पौडेलले आफ्नो पक्षको छुट्टै बैठक बोलाएका थिए । पौडेल निवासमा नेताहरु डा. शशांक कोइराला, प्रकाशमान सिंह, अर्जुननरसिंह केसी, डा. रामशरण महत, डा. मिनेन्द्र रिजाललगायत सहभागी थिए । कांग्रेसमा यतिवेला सरकारको नेतृत्व गर्नुपर्ने र सरकारमा सहभागी हुनै नहुने भन्ने दुई धार छ ।