काठमाडौंः नेपाल कम्युनिष्ट पार्टी नेकपा प्रचण्ड–माधव पक्षका अध्यक्ष पुष्पकमल दाहालले माघ १६ गतेपछि आमहड्तालमा उत्रिने चेतावनी दिएका छन् ।

सोमबार पार्टी निकट महिला संगठनले आयोजना गरेको कार्यक्रममा बोल्दै अध्यक्ष प्रचण्डले अबका कार्यक्रम दैनिक सशक्त बन्दै जाने र माघ १६ पछि आमहड्ताल हुने खुलासा गरेका हुन् ।

उनले भने, आगामी माघ १६ पछि प्रधानमन्त्री केपी ओलीको कदमविरुद्ध आमहड्तालमा जानेछौं र त्यसका लागि तयारीमा लाग्न सबैलाई आग्रह गर्दछु ।

प्रधानमन्त्री ओलीले संसद् विघटन गरेको मात्र नभइ संविधान र संघीय लोकतान्त्रिक गणतन्त्रकै विघटन गरेको आरोप प्रचण्डको छ ।