काठमाडौंः प्रधानमन्त्री तथा नेकपाका अध्यक्ष केपी शर्मा ओलीले योगेश भट्टराईमाथि कटाक्ष गरेका छन्।

शनिबार नेपाल कम्युनिष्ट पार्टी प्रदेश नम्बर १ को प्रदेश सम्पर्क कमिटीद्धारा काठमाडौँमा आयोजित कार्यकर्ता भेलामा बोल्दै ओलीले ताप्लेजुङबाट प्रतिनिधिसभामा निर्वाचित भई मन्त्री बनेका भट्टराईमाथि यस्तो व्यंग्य गरेका हुन्।

उनले भने, ‘मैले हिजो चुनाव जिताउन सहयोग गरेका अन्य नेताहरु जस्तै प्रदेश १ को एउटा केटोले पनि मलाई छाडेर हिँड्यो । दौडी दौडी गएर भोट मागिदिएर मन्त्री बनाएँ, उसका लागि अनेकथोक गरियो, तर एक दिन पुक्क लात्ताले हानेर भाग्यो, को रहेछ भनेर यसो हेरेको त त्यही केटो पो रहेछ।’

योगेशले आफूलाई छाडेर हिँडे पनि युवाहरुको कमी नभएको उनको भनाई छ ।