काठमाडौँ, सुनचाँदीको भाउमा दैनिक उतार चढाव कायम रहेको छ । पुस १६ गते,बिहीबार सुन सामान्य रुपमा ओरालो लागेको छ । यस दिन सुन तोलामा १०० रुपैयाँले घटेको हो ।

आज छापावाला सुन प्रतितोला ९४ हजार १०० रुपैयाँमा र तेजाबी सुन प्रतितोला ९३ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।अघिल्लो दिन सुनको भाउ तोलामा १०० रुपैयाँले बढेर प्रतितोला ९४ हजार २०० रुपैयाँमा किनबेच भएको थियो ।

सुनसँगै बिहीबार चाँदीको मूल्य पनि घटेको छ । आज चाँदी तोलामा पाँच रुपैयाँले घटेर प्रतितोला एक हजार ३०० रुपैयाँमा खरिदबिक्री हुँदैछ ।