भक्तपुर, महानगरीय प्रहरी वृत सानोठिमीमा कार्यरत एक जना प्रहरी हवल्दारमा कोरोना संक्रमण पुष्टि भएको छ । नेपाल कोरीया मैत्री हस्पीटलमा परिक्षणको क्रममा ३३ वर्षिया प्रहरीलाई कोरोना देखीएको भक्तपुर महानगरीय प्रहरी परीसरका प्रवक्ता डिएसपी दिपक गीरीले मातृभूमी न्युज डट कमलाई जानकारी दिए ।
काठमाडौँ उपत्यकामा ७३ र उपत्यका बाहिर २५० गरी ३२२ प्रहरीमा कोरोना सङ्क्रमण पुष्टि भएको जनाइएको छ । कोरोना पुष्टि भएकामध्ये १०१ जना निको भएर घर फर्किसकेका छन् । उपत्यकामा कोरोना पुष्टि भएका बिरामीलाई उपचारका लागि सशस्त्र प्रहरी बलको बलम्बु अस्पतालमा लगिएको प्रहरी प्रधान कार्यालयले जनाएको छ ।
बुधबार, बिहीबार र शुक्रबार बिहानसम्म ७२ प्रहरीलाई कोरोना पोजेटिभ देखिएको प्रहरी प्रवक्ता एसएसपी कुबेर कठायतले जानकारी दिए ।