काठमाडौं, नेपालमा आज छ सय ७१ जना कोरोना भाइरस (कोभिड–१९) संक्रमणको पुष्टि भएको छ । जसमध्ये ८० जना महिला र पाँच सय ९१ पुरुष रहेको विहीबार आयोजित नियमित पत्रकार सम्मेलनमा स्वास्थ्य तथा जनसङ्ख्या मन्त्रालयका प्रवक्ता डा. जागेश्वर गौतमले बताउनु भएको हो । यसका साथै नेपालमा कुल संक्रमित संख्या सात हजार आठ सय ४८ जना पुगेका छ । जसमध्ये छ सय १९ जना महिला र सात हजार दुई सय २९ पुरुष रहेका छन् ।

त्यसैगरी आज थप १९ जना कोरोना मुक्त भइ डिस्चार्ज भएका छन । यसका साथै नेपालमा एक हजार एक सय ८६ जना कोरोना मुक्त भएका छन् ।

त्यसैगरी आज कोरोनाको संक्रमणले थप दुई जनाको मुत्यु भएको पुष्टि भएको छ । यसका साथै नेपाल कोरोनाका कारणले मृत्यु हुनेको संख्या २२ पुगेको छ । मृत्यु हुनेमा कैलाली जिल्लाको गोदावरी नगरपालिका ४६ वर्षीय पुरुष र लम्कीचुहा नगरपालिकाकी ४३ वर्षिय महिला रहेकी छन् ।