म्याग्दी, विहीबार राति पहिरोमा पुरिएर म्याग्दीको रघुगंगा गाउँपालिका–६ कोटगाउँमा दुई जनाको मृत्यु भएको छ । राति वर्षासँगै आएको बाढीले पुरिएर स्थानीय ५० वर्षीया हमाया शेरपुञ्जा र उनकी नातिनी ४ वर्षीया सिमरन छन्त्यालको मृत्यु भएको जिल्ला प्रहरी कार्यालयले जनाएको छ ।

सिमरन शेरपुञ्जाको छोरीतर्फकी नातिनी हुन् । गोठमा बसेका उनीहरूलाई गोठमाथिबाट खनिएको मोटरबाटोको छेउमा फालिएको माटोलाई बाढीले बगाएर गोठभित्र पस्दा उनीहरू पुरिएर ज्यान गएको जिल्ला प्रहरी कार्यालयका प्रहरी निरिक्षक धुव्रप्रसाद शर्माले जानकारी दिए ।

बाढी र पहिरोले पुरिएर ढुंगा, माटोले बनेको जस्ताको छानो भएको कच्ची गोठमा रहेका अन्नपात, भाडा नष्ट भएको छ ।