कोरोना अपडेटः आज ३२३ जना सङ्क्रमित थपिए, ९६ जना डिस्चार्ज र एकको मृत्यु

प्रकाशित मिति

२०७७ जेष्ठ २७ गते, मंगलवार ०४:३३

काठमाडौँ, नेपालमा कोरोना भाइरसबाट थप ३२३ सङ्क्रमित भएका छन् । यो सँगै सङ्क्रमितको कुल सङ्ख्या चार हजार ८५ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले जानकारी दिनुभएको छ ।

त्यसैगरी, थप ९६ जना डिस्चार्ज हुनुभएको छ । कुल डिस्चार्ज हुनेको सङ्ख्या ५८४ पुगेको छ । त्यसैगरी, कोरोना भाइरसको सङ्क्रमणबाट चितवनको भरतपुर अस्पतालमा चितवन –११ का एक कोरोना सङ्क्रमित पुरूषको मृत्यु भएको छ । यसका साथै नेपालमा हाल सम्म १५ जनाको मृत्यु भएको छ ।