काठमाडौं, जनता समाजवादी पार्टी (जसपा) का नेता डा. बाबुराम भट्टराईले प्रधानमन्त्री केपी शर्मा ओलीको राजीनामा नै उचित निकास भएको बताएउनु भएको छ ।

शुक्रबार प्रतिनिधिसभा बजेट अधिवेशनको पहिलो बैठकलाई सम्बोधन गर्दै डा. भट्टराईले जीर्ण शरीरलाई आराम दिन आग्रह गर्दै प्रधानमन्त्री अ‍ोलीको राजीनामाले नै देशलाई उचित निकास दिने बताउनुभयो ।

उहाँले सानातिना मुद्दा लगाएर सांसदलाई निलम्बन गर्ने प्रवृति बढ्दै गएकोप्रति गृहमन्त्री रामबहादुर थापाको समेत ध्यानार्कषण गराउनु भएको छ । सांसदलाई मुद्दा लगाएर कुनै निचोड ननिकाल्ने र मुद्दामै झुन्ड्याएर राखेको आरोप समेत लगाउनुभएको छ ।