रेडपाण्डाको छालासहित चार जना पक्राउ
प्रकाशित मिति
२०७६ फाल्गुन १३ गते, मंगलवार ०१:२७
काठमाडौं, दुर्लभ वन्यजन्तु रेडपाण्डाको छाला अवैध ओसारपसारमा संलग्न भएको आरोपमा चार जना पक्राउ परेका छन् । महानगरीय अपराध अनुसन्धान महाशाखा, टेकुको टोलीले उनीहरुलाई कपनबाट पक्राउ गरेको हो ।
पक्राउ पर्नेमा सिन्धुलीका सूर्यबहादुर भुजेल, धादिङका सुकबहादुर लामा, कास्कीका युवराज सापकोटा र काठमाडौंकी कमला तामाङ छन् । उनीहरुको शरीरमा खानतलासी लिने क्रममा दुर्लभ वन्यजन्तुको छाला फेला परेको महाशाखा, टेकुले जनाएको छ ।
प्रतिकृया