काठमाडौं, बहुविवाहसम्बन्धी मुद्दा लागेकी नायिका शिल्पा पोखरेललाई तत्काल पक्राउ नगर्न सर्वोच्च अदालतले आदेश दिएको छ । आइतबार प्रधानन्यायाधीश चोलेन्द्र शमशेर जबराको एकल इजलासले उनलाई तत्काल पक्राउ नर्गन आदेश दिएको हो।

निर्माता छवि ओझाकी जेठी पत्नी हेमा ओझाले साउन पहिलो साता महानगरीय प्रहरी वृत्त गौशालामा छवि र शिल्पाविरूद्ध बहुविवाहको उजुरी हालेकी थिइन्। उजुरीमा हेमाले आफूहरूबीच २०४१ सालमा विवाह भएको उल्लेख गर्दै छविले फेरि अर्की विवाह गरेको बताएकी थिइन्।

बहुविवाहसम्बन्धी मुद्दामा जिल्ला अदालतबाट जारी भएको पक्राउ पूर्जीसम्बन्धमा उच्च अदालत हुँदै उनको मुद्धा सर्वोच्च पुगेको थियो । छवि र शिल्पाबीचको सम्बन्धमा खटपट आएको चर्चा भइरहेका बेला उनीहरूविरुद्ध बहुबिवाहको उजुरी परेको थियो ।