काठमाडौंः चर्चित गायीका सीता के.सी.को यस वर्षको तीज गीत ‘सैं नाच्यो‘ बोलको गीत सर्वाजनिक भएको छ । गीत गायीका सीताको अफिसल युटुब च्यानल मार्फत सर्वाजनिक भएको हो । ‘मलाई अमेरिका यही मलाई जापान पनि यही’ बोलको गीतबाट नेपाली सांगीतिक आकाशमा छुट्टै पहिचान बनाएकी गायीका सीताको यस वर्षको तीज गीत बजारमा आएको हो ।

गीतमा गायीका सीतालाई गायक कृष्ण के.सी.ले साथ दिएका छन् । प्रयास मगरको शब्दमा गायक कृष्णको संगीत रहेको छ । गीतमा एरेन्ज पनि गायक कृष्णकै रहेको छ । सैं नाच्यो मा भिडियोमा मौसम हिमालीले कोरियोग्राफ तथा निर्देशन तथा करण चैसिएरको छायाँकन र प्रविन भट्टको सम्पादन रहेको छ भने गायीका सीतासँगै कलाकार लोमस शर्मा र मिनुज राना मगरको अभिनय रहेको छ । भिडियो अन्य तीज गीत भन्दा फरक बनेको देख्न पाइन्छ ।